धनदे धनपे देवी, दानशीले दयाकरे ।
त्वम् प्रसीद महेशानी यदर्थं प्रार्थयाम्यहम ।। १ ।।
धरामरप्रिये पुण्ये, धन्ये धनद-पूजिते ।
सुधनं धार्मिकं देहि ,यजमानाय सत्वरम ।। २ ।।
रम्ये रुद्रप्रियेअपर्ने, रमारूपे रतिप्रिये ।
शिखासख्यमनोमूर्ते प्रसीद प्रणते मयी ।। ३ ।।
आरक्त -चरणामभोजे, सिद्धि-सर्वार्थदायिनी ।
दिव्याम्बर्धरे दिव्ये ,दिव्यमाल्यानुशोभिते ।। ४ ।।
समस्तगुणसम्पन्ने, सर्वलक्षण -लक्षिते ।
शरच्चंद्रमुखे नीले ,नीलनीरद- लोचने ।। ५ ।।
चंचरीक -चमू -चारू- श्रीहार -कुटिलालके ।
दिव्ये दिव्यवरे श्रीदे ,कलकंठरवामृते ।। ६ ।।
हासावलोकनैर्दिव्येर्भक्तचिन्तापहारिके ।
रूप -लावण्य-तारुण्य -कारुण्यगुणभाजने ।। ७ ।।
क्वणत-कंकण-मंजीरे, रस लीलाकराम्बुजे ।
रुद्रव्यक्त -महतत्वे ,धर्माधारे धरालये ।। ८ ।।
प्रयच्छ यजमानाय, धनं धर्मैक -साधनं ।
मातस्त्वं वाविलम्बेन, ददस्व जगदम्बिके ।। ९ ।।
कृपाब्धे करूणागारे, प्रार्थये चाशु सिद्धये ।
वसुधे वसुधारूपे ,वसु-वासव-वन्दिते ।। १० ।।
प्रार्थिने च धनं देहि, वरदे वरदा भव ।
ब्रह्मणा ब्राह्मणेह पूज्या ,त्वया च शंकरो यथा ।। ११ ।।
श्रीकरे शंकरे श्रीदे प्रसीद मयी किन्करे ।
स्तोत्रं दारिद्र्य -कष्टार्त-शमनं सुधन -प्रदम ।। १२ ।।
पार्वतीश -प्रसादेन सुरेश किन्करे स्थितम ।
मह्यं प्रयच्छ मातस्त्वं त्वामहं शरणं गतः ।। १३ ।।
।। इति धनदा लक्ष्मी स्तोत्र सम्पूर्णम् ।।